Overblog Suivre ce blog
Editer l'article Administration Créer mon blog

A voce di u populu s'hè fatta sente stu sabbatu in Aiacciu. Milliaii di ghjente si sò accolti sott'a i suleoni per fà sente a voce santa è pura di a speranza è di a libertà. Una voce ch'un era di quella chi pienghje è ghjunghjulisce mà un brionu fieru è ardente è u ripublicanisimu culuniale hà trimatu.

Dananzu à una dimustrazione di forza cusì viva, a Francia indegna è manipulatrice è tutti i so "lobby" un anu più nisun scelta : hè avà l'ora di a suluzione pulitica !

E sta chjama di un populu unitu serà intesa da a Ripublica francese disincarnata è tiranica ch'un averà nisun scelta fora di quella d'obeiscela. Una chjama chi serà intesa per l'Auropa sana, spapersa da numerosi diligazione di populi in lotta prisente oghje à fianc'a i Corsi ( sardi, brittoni, Catalani, savoiani ), puru sin'à à Russia putente è luntana.

Statutu di risidenti, cu-ufficialità di a lingua corsa, amnistia per i patriotti incarcerati è ricercati, u populu corsu è a so ghjuventù, sò più che mai decisi à fà sbuccà più di quarant'anni di lotta per a maestria di u so destinu. Un pianterà a mubilisazione per una suluzione pulitica à a quistione naziunale corsa !

a Squadra

Partager cet article