14 di lugliu : a chi campa in a mimoria un more mai

        Un eranu tanti numerosi stu 14 di lugliu, i patriotti corsi à u cunventu San Antone di a  Casabianca, induve Pasquale Paoli fù elettu "generale di a Nazione" u 15 di lugliu 1755. Anu sventulatu quantunque parechje  bandere, piazzate da militanti di l'associu "Ponte Novu" sempre mubilizzati per a mimoria di u nostru populu.

  Per Francè Neviani, di u scagnu di l'associu," tocc'a noi tutti à fà campa a mimoria. U 14 di lugliu hè una festa Naziunale Corsa ! "

Per 2014, si spera chi sera mess'in ballu una vera cumemurazione in giru à s'impurtantissima stonda di a nostra storia.

a Squadra