Overblog Suivre ce blog
Editer l'article Administration Créer mon blog

 

    L'ultimu cummunicatu di a Ghjuventù Indipendentista. Una chjama à a mubilisazzione per un'avvene corsu :

http://99.img.v4.skyrock.net/4601/9064601/pics/179555689_small.jpg

 

A Ghjuventù Indipendentista dinuncia a pulitica di repressione chi u statu francese, cù l'ultima arrestazione chi ghjera quella di Felice BENEDETTI, militante indipendentistu sinceru è cunisciutu, prova à oppone à l'aspirazione naziunale di u populu corsu. Cundannemu quelle manere di fà è l'attività di quelli di a SDAT, pulizia pulitica à u serviziu di u pudere culuniale , chi ghjustificheghjanu i so salari solu da a persecuzione di i patriotti è di e so famiglie. Alora chi bande mafiose provanu à investisce è à piglià in manu piani sani di a nostr'ecunumia, chi speculadori è manghjoni si volenu impadrunisce in terra nostra, chi u velenu ch'hè a droga ùn hè mai statu cusi periculosu per a nostra ghjuventù è chi millaie di corsi ùn ghjunghjenu mancu più à stantà u so pane è à fà vive e so famiglie, u Statu francese stà ind'una pusizione ripressiva riservata solu à u muvimentu naziunale. À l'ora d'un accunsentu in ciò chi tocc'à u bisogni di prossime evoluzione istituzionale per u nostri paese addunisce una parte maiò di l'eletti di l'Assemblea di Corsica, Pariggi ci si oppone è ùn hè d'accunsentu. A Ghjuventù Indipendentista è i so militanti si dichjaranu pronti à assumà a so piazza à u segnu di a Lotta di Liberazione Naziunale in lu rapportu di forza chi a Francia li impone dapoi 40 anni. In stu quadru chjamemu a ghjuventù da ch'ella si tenessi pronta à risponde à e nostre chjame à a mubilisazione. Purtemu u nostru sustegnu à tutti i mezzi di lotta è à tutti i militanti chi facenu u sacrifiziu di a so libertà per ch'ellu campessi u populu corsu.

A nostra cuscenza ghjè RESISTENZA !!
Lotta ghjuventù l'avvene si tù !

Partager cet article