Overblog Suivre ce blog
Editer l'article Administration Créer mon blog

 

Anton Francescu Filippini, natu à San Niculao di Moriani  u 14 di lugliu 1908, da ceppu anticu isulanu, cultivò , fin' da giovanu a lingua materna: e so prime puésie patriotiche sò di 1924 .

     Urfanu di guerra à l'età di sei anni, fece parte di u muvimentu autonomista di "A MUVRA ", participendu à a campagna di riscossa spirituale di a Corsica. In 1926, fù segretariu di rédazione di a rivista "L'ALTAGNA", diretta da Prete Dumenicu Carlotti .

  Dopu i studi à u liceu di Bastia, andò à Roma in 1927,inscrittusi à a facultà di scienze pulitiche, d'adduturò in 1932 cù una tésa, intitulata "Napoléone è Pozzo di Borgo".

 

  In Italia fundò e diresse u periudicu "L'IDEA CORSA"  è cullaburò à  "CORSICA ANTICA E MODERNA ", à "L'ARCHIVIO STORICODI A CORSICA" e à l'impurtanti giurnali è riviste pulitichi è letterari : "IL GIORNALE D'ITALIA","IL PICCOLO","IL TELEGRAFO","LA NOVA ANTOLOGIA","LA RASSEGNA NAZIONALE", "POLITICA". In quist'ultima fùnu pubblicati i primi capituli di un opéra "La quistione Corsa" duv'ell'era studiata l'évoluzione pulitica è spirituale dill'isula dapoi 1729.

 

 

   Dopu l'ultima guerra cullaburò ( cullaburazione puramente letteraria ) in Italia à e riviste "LA CARAVANA", "IL CONVIVIO LETTERARIO", "IL BELLI DEL DIALETTI ITALIANI" , à  e riviste è giornali corsi "U MUNTESE ","KYRN", "PAESE CORSU","GIOVINE NAZIONE", "CUNTRASTI" ed' altri .

   A so letteraria è principalmente diretta à salvà a lingua corsa, minacciata indè a so integrità è a so stessa esistenza .

 

A.F. Fillipini fù dinù l'autore d'un dizziunariu corsu-italianu-francese publicatu post-mortem in 1999.

 

Dopu u longu esiliu è una vita muvementata è turmintata, sempre ligati all'idéali ed ancu a i sogni di a so giuventù, hè mortu in Italia à Oriolo Romano (Viterbo) u 22 ottobre 1985. 

 

Anton' Francescu Filippini fù un'attore maiò di u primu riacquistu, è cù u so fratellu Ghjuvanni, un militante di L'IDEA CORSA.

 

 Dopu u sacrifiziu di migliai di corsi  durante a prima guerra mundiale, A.F.Filippini, cume tant'altri intelletuali è corsi cuscenti, sunniava à una Corsica di spiritu RUMANU è RIVULUZIUNARIU, liberata di a ripublica francese è di i so "valori".

 

   Un sonniu oghje sempre vivu !!

 

 

     A SQUADRA

 

 

Partager cet article