Overblog Suivre ce blog
Editer l'article Administration Créer mon blog

   Cuntribuzione di u Partitu Corsu Autonomista à i "Stati Generali di a Corsica " letta da Petru Rocca ,delegatu di u partitu e direttore di " A Muvra " . Si ritrova inde stu discorsu e prime rividicazione pulitiche di u naziunalismu corsu : Assemblea Naziunale Corsa ( cunsulta Naziunale ) , pruprietà naziunale di a terra , università etc...

imagesCA5K3EFN

 

" Centusessant'anni di malguvernu , l'effetti di l'ultima guerra , u sbucamentu, a sicchià , u funziunarismu , a malaria , u disodine amministrativu e l'abbandonu in lu quale si trova l'isula , so per a Corsica tanti flagelli .U malcuntentu è dapertuttu , da Bastia à Bunifaziu , e da Calvi à Sartè ; e ne avemu per prova  "Stati Generali di Corsica " cunvucati in Aiacciu .

Quandu i citadini s'aduniscemu per tentà di salvà u Paese , a l'infora e malgradu l'Assemblee legali , è segnu chi a situazione è trista e dulurosa .

A Corsica è dunque à l'orlu di l'abissu , e cu i mezi economici e amministrativi aduprati sinu a oghje da i varii guverni chi si so succeduti , un ci videmu nisun rimediu .

Postu chi noi avemu tutte e caratteristiche d'un populu , accertemu chi a perdita di a nostra naziunalità è a sola ragione di i nostri malanni .

Malgradu certe apparenze , a miseria è generale :miseria murale inde i spiriti avvilinati , miseria intelletuale inde e nostre scole , miseria materiale inde  nostre muntagne, inde e nostre piaghje e in tutti i fuconi .

E legge chi ci so imposte da un seculu e mezzu ùn rispondenu a nisun modu à i nostri bisogni , à e nostre aspirazione e à i nostri custumi .

A Corsica è dunque fora di a so vera strada : a Corsica è un'isula sviata.

Per pudè finalmente pervene cun pruntezza à salvà l'isula , u Partitu Corsu Autonomista  richiede :

  imagesCA73MOJZ

Chi i  " Stati Generali di Corsica " diventinu , cu u nome di Cunsulta , l'Assemblea di a Nazione Corsa , e fissinu e base d'una Custituzione adatta à i nostri bisogni è à u nostru ideale .

Chi i Stati Generali sianu cunvucati ogni annu , e pussibilmente in Corti , indé l'anticu Palazzu di u Guvernu .

Chi a libertà individuale sia inviulabile .

Chi a stampa sia libera .

Chi tutte l'impusizione sianu determinate da i Stati Generali .

Chi l'impieghi sianu dati a in Corsica à i soli Corsi .

Chi una Banca sia creata inde l'isula per vene in aiutu à l'agricultori e a l'indusriali .

Chi i terreni abbandunati sianu messi in cultura e dati in spartimentu à i nostri paisani .

Chi e strade ferrate , e miniere , e fureste , i stagni , e surgente minerale , e tutte e richezze naturale di l'Isula diventinu proprietà di a cullettività corsa .

Ch'elli sianu creati i porti franchi in tutta l'Isula e supresse e tasse di dugana .

Chi tutte l'imprese industriale e agricole sianu per cinqu'anni esente d'impusizione .

Ch'elle sianu date à l'agricultori e più grande facilità di stabilimentu inde e terre bunificate .

Ch'ella sia creata in Corti un Università , cusi per risponde à u più desideriu di Pasquale Paoli .

Ch'ella sia ristabilita cume emblema naziunale a nostra antica bandiera .

Chi a Corsica sia ricunusciata Autonoma . "  

 

 

 

Partager cet article