Overblog Suivre ce blog
Editer l'article Administration Créer mon blog

 

 

 

 Cumunicatu di u  sindicatu studentinu "Cunsulta di a Ghjuventù Corsa" nant'à  a speculazione immubiliara in Corsica :

 

 

http://www.manca-naziunale.org/wordpress/wp-content/uploads/2011/07/terra-corsa-terra-nostra-300x234.jpg

 

Ramintemu l’infrasata pupulare : « A TERRA CORSA À I CORSI » 

U dibattitu nantu à a speculazione immubiliare in Corsica si sente dapoi decine è decine d’anni. Pudemu dunque ripiglià u prublema attualmente cù u presidente di l’assemblea, Paul Giacobbi, chì ci parla d’un statutu di residente. Sapemu tutti chè i primi à purtà st’idea sò i naziunalisti è què ùn ci vulerà micca à scurdassi ne, di fattu sta suluzione bunissima per a Corsica ùn hè micca stata inventata da l’omu puliticu di Venacu. In fine sta pruposta ùn impedirà micca totalmente i furesteri di cumprà ind’è noi, ma a speculazione in s’e stessa serà sbracata è sopra à tuttu i corsi seranu è camperanu annantu à a so terra. Di fattu un statutu di residente seria un passu tremendu versu a salvezza di u populu corsu … 

Ma ci vulia aspettà à Marcel Francisci (di l’UMP 2A) per avè un’analisa degna di u vechju pumataghju pariginu nantu à a speculazione di a nostra terra. M. Francisci ci dice dunque : « Ce n'est pas un fléau. La spéculation foncière contribue à l'économie de notre île ». Pudemu dunque affirmà chì a cocaine d’Ibiza favuriseghja a riflessione !
Ma u megliu hè Christophe Barbier chì vole a Corsica senza i corsi. Di fattu per ellu a suluzione per l’immubiliare troppu caru in Corsica, hè di fà parte i corsi in altrò. È quandu seremu ricchi averemu u dirittu di vultà in casa nostra … Eccu u riassuntu di ciò ch’ellu hà dettu nantu à Europe 1. 
Ma u ringraziemu, u direttore di a redazzione di L’Express, grazia à ellu, a ghjente piglia cuscenza chì l’aggettivu « culuniale » hè sempre d’attualità …
Allora à dimu di manera franca è chjara : terra corsa, terra nostra !
È quandu a maiò parte di u populu corsu predenderà à una Corsica « corsa », puderemu dì chì ci vulerà à fà mossa ! A TERRA CORSA À I CORSI ! 

LOTTA GHJUVENTÙ, L’AVVENE SÌ TÙ !

 

Partager cet article