Overblog Suivre ce blog
Editer l'article Administration Créer mon blog

imagesCA73MOJZ 

 

   Cume tutti l'anni serà resu, stu ghjuvi 8 di maghju in Ponte Novu , un umaggiu à u sacrifiziu di i patriotti corsi cascati à u campu d'onore per a Nazione Corsa è a Libertà.

 

A u prugramma, merendella,cunfaranza, messa nustrale, sfilata di I Naziunali, veghja etc...

 

 Tocc'à tutti i Corsi à participà à ss'evenimentu, simbulu d'unità naziunale, al dillà di partiti, butteghe,capilisti è capimachji .

 

I patriotti di u 2014 s'arricurderanu dinù di quelli chi, ne l'anni 20-30 di u XXesimu seculu , hanu resu pussibile u rinnovu di a mimùria è di u spiritu naziunale : Santu Casanova, Petru Rocca, u Partitu Corsu d'Azzione, A Muvra è tutti l'attori di u primu riacquistu ch'anu purtatu à ss'epica  e rivindicazione naziunale di fronte à a ripublica culuniale francese, senza mai sbagliassi di nemicu ...

 

A Squadra

 

282408 107866465975911 100002576758112 70459 3076356 n

 

 

    " Oghje , sopr'à u campusantu di a patria , s'innalza a croce bianca di a pietà . Oghje , l'assassinati di tandu , s'accorgenu chi l'arcipurfiglioli ùn si so dimenticati di l'eroichi babboni , i cisperi in pilone di de Paoli ! Morti di Pontenovu , morti nostri ! Vichjaconi di u Curtinese o giuvanelli pumuntichi ! Eroi senza paru chi , à la nova di u sbarcu d'i rigimenti frisgiulati di Luigi di Francia, aviate cintu a carchera è intuppatu a scupetta ! Martiri nostri ! Voi chi , senza speranza d'onori o di gradi o di soldi maladetti , sete accorsi sottu a bandera à testa di moru per risponde à l'alta superbia di u standardu a fior di gigliu , vi riveremu . "

 

   Petru ROCCA , inaugurazione di A Croce di Ponte Novu  1926

Partager cet article