Overblog Suivre ce blog
Editer l'article Administration Créer mon blog

 

 

  Articulu ristaccatu da u primu numaru d'IPATIA, u ghjurnali di l'omi libari di Corsica.

 

 http://2.bp.blogspot.com/-iCFal3lvYRE/Uj_9M9uBHqI/AAAAAAAAADQ/IkaPt7au_1w/s1600/Ipatia.jpg

 

    "U puliticamente currettu o u pinsamentu unicu sò piaghi maiò di a dimucrazia francesa, infini dimucrazia dimmula in furia. Dapoi a fini di l'anni ottanta hè divintata una dittatura dulci chì si hè spargudatta in tutta a sucietà francesa via i media è appughjatta à certi leggi ristritivi à certi sprissioni o upinioni, i cundanni pà razzismu ecc..Infatti issa dittatura di i cuscenzi pidda pratesa di difenda causi, puri ghjusti, pà cundannà micca upinioni mà u fattu di parlà di certi prublema cume i migrazioni o i sfarenzi riligiosi.

  Di fatti a paura d'essa missi da cantu, insultati o puri cundannati hà fattu chì u dibattu pulitichu hè divintatu un lavativu senza nissun vera sferanza trà manca è dritta. U più pisanti ùn hè micca a cundanna pà a difesa di certi tesi mà u disprezzu addupratu puri si omu ùn hè solu d'accunsentu cù ssi ligislazioni o ancu s'iddu parla di tali o tali prublema. Mà tocc'a ricunnoscia ch'issu puliticamente currettu à cuntaminatu u discorsu naziunali corsu chì si hè indulcittu è risica di duvintà anc'iddu un lavativu.

 

http://media.paperblog.fr/i/333/3339100/buzz-jour-censure-politiquement-correct-lexpo-T-1.jpeg 

 

Piddemu dui asempii, a cumunità di distinu è u matrimoniu dittu "pà tutti".

  U discorsu nant'à a cumunità di destinu hè duvintatu guasgi u monologu di paura d'un fassi trattà di razzistu, si hè adduprattu tutti i pratesi di u "drittu di a tarra" francesu senza più alcun dibatittu. Hè luntanu u tempu d'IFF ni semu à l'integrazioni mà ùn si qualissa o di quali ? In quant'à u matrimoniu dittu "pà tutti", pari chì i naziunalisti accetissini una leggi francesa ricusendu tuttu ciò ch'iddu rapprisenta a famidda corsa. Mà u più gravi hè ch'issa quistioni ùn hè mancu stata cuncipita o dibattuta da nissunu in la sucietà corsa. Allora cusi omu, in Corsica, accetta una leggi francesa cuntraria à a noscia cultura, u nosc'essa cullitivu senza primura o riazzioni maiò di i strutturi pilitichi. Parchì ? Parchì c'hè a paura d'essa stampatu "riazziunariu" o chi ni socu d'altru... d'un essa "mudernu" ( mà chèi vularà dì issa parolla ? ). In fatti semu cuntaminati da u puliticamente currettu francesu puri in i sprissioni : " ouverture, mélange, non violence, démocratie,multiculturalisme, intégration, parité ecc..." Sò sprissioni ch'omu ritrova à a piazza di Nazioni, Populu, Lutta, Stintu, Famidda, Sterpa...

 

Ci voli à libarassi u spiritu primà  à vulè libarà un paesu ! "

 

 

Partager cet article