Overblog Suivre ce blog
Editer l'article Administration Créer mon blog

 

41IyiGOojwL SL500 AA300 

            Tutti quelli chi anu scrittu a storia corsa, ghjunti à l'annu 1769, piantanu.

  Un pocu tuttu u mondu hè persuasu chi u Distinu si prununcio senza appellu, à Pontenovu.

 

  A la riflessione, ci vole ad esse viramente bastardi par risignà si à una simile sintenza . Cusi, u sangue è le lacrime di mille e mille antenati sarianu stati sparsi à fiumi, in vanu ? A fèrocità di a storia umana un và micca sinu à chivi.

  Chi l'occupazione frances ci sia stata utile ind'un certu modu, nulla di piu veru. Chi no pensimu di rivultà ci, armata manu  nulla di piu inutile.

Ma tutti i corsi devenu bramà una Corsica autonome,  una nazione indipendente, cu a so lingua, e so lege, u so guvernu, à parte.

 

  Cusi, a longa è dulurosa tragedia d'un populu in lotta cuntinua pà a patria è a libertà, averà un epilogu logicu, pacificu, degnu d'ellu. Spiremu chi e nove generazione a capisciaranu è ch'elle  impunaranu à la Francia, cum'è l'Iralanda à l'Ingliterra, un home -rule onorevule pà e dui parte.

 

  Stà a voi, pueta, scrivani indipendenti, intelletuali, a voi chi sintite corre in le vostre vene u sangue di l'antichi, à priticà u Vangulu, a Bona Nova  di a risurezzione prossima ! Ancu ch'ella un abbia micca da avè locu u muvimentu cursistu chi A Cispra inaugura sarà riccu di i risultati murali e artistichi piu preziosi, piu nobili, chè tutte e cugliunarie di u  Relèvement è di a Pulitica, sta vechja streia chi si suchja a forza di a nostra razza muribonda.

 

 A Corsica un hè micca un dipartimentu francèse : hè una Nazione vinta chi hà da rinasce !!

 

 

           A CISPRA     Marzu 1914

 

 

   Fundata in 1914, da  Saveriu Paoli e Ghjacumu Santu Versini, A CISPRA fu u primu ghjurnale à difende l'idea di Nazione corsa. 

  I testi di A CISPRA so stati publicati in 2008 da l'edizioni Alain Piazzola.

 

 

 

Partager cet article